Z

Ziurtasunik gabe, ziur.

Ziurtasunetik hain gertu,

dena lotuta, ustez, baina ez.

Hain gara hauskorrak

bat batean lurrera erortzen den

portzelanazko plater bat bezala,

hain gara ahulak

hain erraz besteetaz hitz egitea,

eta norbera ahaztea.

Dena da ziurra, dena da horrela,

bai hala da, ziur.

Ziurtasunetik bizi denak bota dezala lehenengo harria,

Bueltan itzuli eta buruan joko baitio

eta bihotza hautsi,

txiki-txiki egingo baitu.

Horregatik gelditu naiz txiki-txiki,

intsektu bat,

usteldutako airean nolahala hegan eginez;

euli bat baino, ez naiz, demontre,

bizitza laburrekoa,

ahulegia bizirauteko,

ziurtasunetik hain urruti geldituko dena,

bizi laburrean zalantzaz ibiliko dena.

X

Xuabe xuabe

Zertarako gaude hemen,

hemen,

zertarako iritsi gara honaino?

Burua galdu dugunaren

sentsazio kontrajarriak argitzen doaz,

argitzen doaz,

ez baikara gure buruaren jabe,

ez baitugu jabe gure burua.

Izua ematen du goizak

egunero jaikitzen garenean,

hain zaila baita ohetik irtetea

ohetik irtetea

hala ere laztan batzuk

egin beharko ditugu,

laztandu azalen bat

lazzzzzzzzzzzzzztandu,

eta muxxxxxxxxxxukatu,

muxukatu katu xuria guria,

muxukatu katu hartu bizipozaren,

seinale koloretsuenak onenak,

izenak izanak, izanak izenak,

zenak, zezenak adarrak okerrak,

okerrak ankerrak akerrak,

okerrak adarrak zezenak,

denak, baikaude oker oker okerrrak,

zuzena, egokia eta ona

zer den ba al daki norbaitek?

Ez, ezzzzzzzzzzzzzzztut uste,

Ezzzzzzzzzzzzzzzzztakit ba zergatik.

Zergatik, zergatik

galdetu behin eta berriro galdetu,

eta mutu gelditu,

gelditu mutu, zergatik?

TZ

TZirrikitatuetatik anti-kakatua

Ur Tzirrikituen

irriki

zikiro

kiromantzia

antz(eko)tasun

eko(…….)logia

ogia

ia

iaioa

(j)aioa

(h)oa

(g)oazen

azentu

tumatxa

matx(u)ra

rarara

(hu)ra

hurakana

anakronia

kroni(k)a

(h)ika

ka

kakatua

kakatua

kakatua

kakaztuta

hua, hau ez da gure gogoko

kakatua

albiste alpistearekin

nahastuta baitzen

zozolotuta                   ta

tara                                           neurea                                   hara

haraino ta

honaino iritsita

ita ez dago dena

itxita.

Ez dago dena idatzita

TX

Txutxumutxu

Txutxutxukutxukutxukutxuku,

trenaren txukutxuku,

txukuna txutxua,

txutxumutxu gehiegi aspertzen direnak,

direnak            zirenak            sirenak,

sirenak entzun eta zurrumurrua zabaldu,

ta landu           apaindu,

ta ezberdina puteatu,

sisteman kateatu,        bai kateatu

nahi zaituzte,  ez uste,

ezin da nahi duzuna egin

duzuna egin duzuna

zurea erantzuna          baldintzatzen zaituna.

Baldin zaren amankomuna     komuna,

kakaz beteta    beteta kakaz mingaina,

Engaina           alajaina,           labaina zorrotz bat,

Hitz faltsuak mozteko                        ahazteko,

Besteen bizitzak ta

norberarena libre bizitzeko,    joder.

TS

Tsori, ts(x)oriaren huTSunea hegaTS

Hutsune sentibera izan ohi du

begirada zitaleko txoriak

lurrean gelditzen den une oro.

Moko finak baditu hamaika gauza esateko

galdurik dauden munduetan.

Nola hola txori erresiñolak,

itxaropenak baditu ireki beharreko ateak

egun bakoitzaren zain,

eta hegoak ebakitzen badizkigute

asmatuko dugu moduren bat

hegan egiteko

irudimenarekin.

T

Tirri-Tarrari, Argi Beltzari

Hitzik gabe

nola adierazi hitzekin

‘Sin palabras’

Sorrera sorkuntza garapena bilakaera

ahotsak; emakumeen bake nahiak?

Barne bakea tirriki tarraka

ahotsak; Donostiako hondartzatik haratago,

Pasaiako kaitik urrutiago,

hara sakonago itsas zabalean,

orbain beltzik ezetz,

musikaz blai, argi beltzik

baietz,

baietz egin aurre fobiari.

Sssssshhh

Ssssshhh

Ssssshhh

Itzalak beldurrez

Infernuan itzalak

Hodeiak kantuka

bals batean hasi dira piztiak dantzan

Aaaaaaaaaaaaaaaaaaaaaaaa aaaaaaaaaaaaaaaaaaaaaaa

txori bat iritsi da bere kaiolara.

Hipokrisiari aurre,

zinismoari aurre,

aurre, aurre,

aurrera barneko soka dantzan.

Amonari ohore

Harengatik ez balitz

Gu………………………………….ezer, ezertxore ez,

Aitonari ohore.

Maitasunarekin goazen arraunean

zeru oskarbiko izarrak zenbatuz,

sentimenduak dastatuz,

dastatuz ur kresalaren zapore gazia,

gazia, grazia, graziaz,

itsasoko emakume-gizonak.

Betidanik ametsetan,

Amets, ba al dakizu

iraganak ez duela zalantzarako tarterik uzten?

Atzo pasa da,

bihar ametsak,

orain musika…

TIRRIki TARRAka

S

Sortu vs Suntsitu

Sortu, eraiki, eman,

Irakeko amek haurrak ekartzen dituzte,

biziaren miraria eskaini.

Badira batzuk sormen guztia

Suntsitu nahi dutenak,

Sortzeko ahalmena ezabatua dutenak.

Amerikako indiarrek

dantza magikoak egiten zituzten,

suntsitu egin zituzten horiek ere.

Vietnamgo mendietan jolastu egiten zuten haurrek,

Suntsitzaileak iritsi ziren arte.

Euren lagun bibotedunek

ez zituzten sortzaileak gogoko

eta hizkuntza aberats baten sormena

desegin nahi zuten.

Suntsipen gehiegi, malko anitz, burugabeak.

Guri sortzen jarraitzea gelditzen zaigu,

eraiki, eman, oparitu,

ez dugu elkar suntsituko.

2003an idatzia, Egunkariaren itxieraren ondorengo asteren batean eta Iraken AEBek egindako erasoaren garaian.

Reala

Republikanoek ere ospatzen dute Urtarrilaren 6a:

Roscoaren sorpresa atera zait opilan

eta oparitu didazun arratsalde goxoaren ondoren

zuretzat hitz batzuk sortzea okurritu zait,

azken bi txirriak erre ondoren.

Zure opariak ere merezi zuen

trukean zerbait edo

musu-truk.

Horregatik jo dut oroimenera, zure hitzetara,

parrandan bizitako unetara.

Pena merezi duen pertsona

bati gogorazeko, penaz,

lagun onen uneak konpartitzea

bezalakorik ez dagoela.

Hurrengo Roscoa nire esku.

Urrunetik gerturatzean

muxu bat edo bi.

P

Pauso amaigabea

Amaitu gabeko pausua

badoa aurrera,

edo ezintasunaren jostorratza

bihotzean puntzada bi.

Errepide ilunean

ez da larrosarik ikusten,

ez da usaimen loraturik,

atzean kilometro bat

eta 200 gasolindegi aurrean,

autobus bat gidari,

leiho zabalak,

ikusmen dardaria.

Agure lasaiak

eta itxaropen gutxi.

Bide amaitezina,

bizitzaren noraeza,

haserak eta amaierak

garunaren zirrikituetan.

Itsu bat justizia ezartzen,

ezartzen justizia itsu

erdian tarte bat,

kate bat,

ahots bat,

gurutzabide isolatuetan

soul abestiekin lokartzen den ironia,

edo musika gogorragoa

bizitza astintzeko,

oroitzapen beltzetan

eta orduan siesta bat

leihoa berriro zabaltzeko.

Esnatzerakoan gosaria,

betaurreko zikinak

difuminazio zirkularra

gauzen garrantziaren erruz

ezer gertatuko ez balitz bezala

hegan egin daitekeenaren ametsa

bestelako dimentsiotan,

zurrunbiloetatik ertzak gozatuz,

orduan biolin hots bat

demagun Salzburgon edo Hanburgon,

kontinente zaharraren soinu banda

kontinente berriaren erritmora dantzan.

Kontsumismo klon bat,

hizkuntza zaharrak parking hilobi batean,

izanaren oroitzapen galdua,

“ez erre, mesedez” idatzia

erreta dagoenarentzat bidai opari

eskaintza kamutsa.

Iraganaren soka lodiak

estutzen du heste mehearen habia.

XX. Mendearen ahanztura,

barne guda bat edo hamasei

garun txirrindularitza pista betea,

erreleboak bizkor

sprintak jendetsuak,

neuronak abiadura bizian

sei ordu edo 666 bete arte.

Alá-k, ez gaitu deabru bilakatu.

Ala guztiaren jakitun,

berez ezertxo ere jakin gabe.

Orduan pausu berri bat

muxu bat lepoan                     eta goxo lo egin

biharamuna, esnatzean

bihar amona bihar

irribarre gozo batekin

amesgaiztoak albora joan dira hegaka

eta bihar jaioko gara berriro.

Bi puntzada bihotzean,

jostorratz bat bezala,

ezintasunarekin aurrera doaz

pausu amaigabean.