Patri Donibane Garaziko zubian

Patri Donibane Garazin

Cordoba

XIX

 

CORDOBA

 

 

Cordobako kalifak

Ardo gorrizko kaliza

Odaliska beltzari

Dio eskaini.

 

Amorante biek

Ardo gorriari eta

Odaliska beltzari

Bibaka diote egin.

 

Oihal hori arina

Soinetik zaio erori,

Odaliska beltzari

Soinua arrabitari.

 

Ezer plazentago

Ba ote jotzea baino

Odaliska beltzari

Lili usaindaunari.

 

Eta narru ukitze bero,

Besarkatze ero

Odaliska beltzari

Xarmant denari.

 

Cordobako mezkita

Bilakatu da eliza,

Odaliska beltzari

Atea diote itxi.

Baladak VIII

VIII

 

PALOGAINEKO GABIAN

 

                                                          

                                               Palogaineko gabian

                                               Hantxe bakardadean,

                                   Txoak ez du ikusten kostarik urrunean.

 

                                               Habil gora,

                                               Habil azkar,

                                   Dio kontramaisuak, ea ageri den lehorra.

                                  

                                               Palogaineko gabian

                                               Mutilik tipiena,

Zazpi urtez dago haizeez ahantzita.

 

                                               Jana amaituxe

                                               Txoa da gose,

                                   Txoa da gose eta marinelak ere.

 

                                               Jaun kapitaina,

                                               Hantxe da Jauregia,

               &nbs
p;                  
Jauregian brodatzen galerian anderia.

 

                                               Haragi gaztea,

                                               Ezin omen hobea,

                                   Ezin omen hobea eta piper saltsaz da orea.

 

                                               Palogaineko gabira

                                               Zurubi luzeak dira,

                                   Luzeago zerurakoak eta hemen pozik biziak.